Edrington House

Edrington House from the air. You can actually just see our two horses in the field.

What I think is an interior shot of the Petit Trianon at Versailles, from the film 'Marie Antoinette'.
It reminded me of something.

The Auld Hoose

O, the auld hoose, the auld hoose,
What tho' the rooms were wee,
O, kind hearts were dwelling there,
And bairnies fu' o' glee.
And wild rose and the jassamine
Still hang upon the wa
Hoo mony cherished memories
Do they sweet flow'rs reca'.

O, the auld Laird, the auld Laird
Sae canty, kind and crouse.
Hoo mony did he welcome there,
His ain wee dear auld hoose.
And the leddy, too, sae genty,
There shelter'd Scotland's heir,
An' clipt a lock wi' her ain han'
Frae his long yellow hair.

The mavis still doth sweetly sing,
The bluebells sweetly blaw.
The bonnie Earn's clear winding still,
But the auld hoose is awa'.
The auld hoose, the auld hoose
Deserted tho' ye be,
There ne'er can be a new hoose,
Will seem sae fair to me.

Still flourishing the auld pear tree
The bairnies liked to see.
And oh, hoo often did they spier
When ripe they a' wad be?
The voices sweet, the wee bit feet
Aye rinnin' here and there.
The merry shouts oh, whiles we greet
To think we'll hear nae mair.

Carolina Oliphant, (Lady Nairne), 1766-1845